Սերգեյ Փարաջանովի 100-ամյակի հոբելյանին նվիրված «Նռան գույնը» ֆիլմի ցուցադրություն

19 ապրիլի, 2024

2024թ. ապրիլի 19-ին Հնդկաստանում ՀՀ դեսպանությունը, Հնդկաստանի Մեդիա և զվարճանքի արդյունաբերության միջազգային պալատի (ICMEI) հետ համագործակցությամբ, Նոիդա կինոավանում կազմակերպել է Սերգեյ Փարաջանովի 100-ամյակի հոբելյանին նվիրված «Նռան գույնը» ֆիլմի և անվանի կինոռեժիսորի կոլաժային ստեղծագործությունների ցուցադրությունները:

Միջոցառմանը բացման խոսքով հանդես են եկել Հնդկաստանում ՀՀ դեսպան Վահագն Աֆյանը, Հնդկաստանի Մեդիա և զվարճանքի արդյունաբերության միջազգային պալատի (ICMEI) և Ֆիլմերի, հեռուստատեսության ասիական ակադեմիայի (AAFT) նախագահ, «Marwah Studios» ընկերության հիմնադիր Սանդիփ Մարվան, հայտնի կինոռեժիսոր Աշոկ Տյագին և վերոնշյալ ակադեմիայի կինոյի դպրոցի բաժնի ղեկավար Աշոկ Դինգրան:

Դեսպան Վ. Աֆյանն իր խոսքում, մասնավորապես, նշել է ՅՈւՆԵՍԿՕ-ի նշանավոր գործիչների անվանացանկում ներառված անզուգական կինոռեժիսորի ոգեշնչող ստեղծագործական ժառանգության, պատկերների օգտագործման միջոցով ազգային և երևակայական խորհրդանիշների համատեղման վարպետության, Երևանում գործող նրա թանգարանի նկատմամբ Հայաստան այցելող զբոսաշրջիկների մեծ հետաքրքրության մասին, ինչպես նաև անդրադարձել՝ հնդիկ կինոգործիչների համար Հայաստանի գրավչության բարձրացմանն ու կինոարտադրության ոլորտում երկու երկրների և կինոկենտրոնների համագործակցության խորացմանն ուղղված ծրագրերին:

Օրվա կապակցությամբ դեսպան Վ. Աֆյանը հանդես է եկել նաև ճեպազրույցով, իսկ միջոցառումը լայն լուսաբանման է արժանացել տեղի լրատվամիջոցների կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր